Енді насыбай атқандар мен сатқандар қылмыстық жауапкершілікке тартылуы мүмкін
Президент Қасым-Жомарт Тоқаев насыбай атқандар қылмыстық жауапқа тартылуы мүмкін, - деп хабарлайды "Opennews.kz" ақпарат агенттігі.
Денсаулыққа зиян әрі ұят әдеттің бірі – насыбай ату. Оның қалай жасасалатыны белгілі. Ешқандай санитарлық талап сақталмайды. Құрамында түрлі дертті, оның ішінде онкологиялық ауруларды қоздыратын заттар бар. Насыбайды өндіруге және таратуға 2015 жылы тыйым салынған. Бірақ әлі күнге дейін көшеде, тіпті азық-түлік дүкендерінде ашық сатылып жатыр. Құқық қорғау мекемелері ешқандай шара қолданып жатқан жоқ. Қазір – 21 ғасыр, жоғары технология мен жасанды интеллект қарқынды дамыған заман. Ал біздің азаматтарымыз аузына насыбай салып, қақырып-түкіріп жүреді. Бұл не деген масқара?! Осы жағымсыз қылықты ата дәстүрі санайды. Шын мәнінде бұл – барып тұрған мәдениетсіздік. Оны тоқтату керек, - деді мемлекет басшысы Атырауда өтіп жатқан Ұлттық құрылтайда.
Президент енді насыбайды өндіріп, сатқандар қылмыстық жауапкершілікке тартылатынын ескертті.
