Қаз
Рус
9 сынып оқушысын көшеде соққыға жыққан бір топ қыздар ұсталды
1 529
Таразда тоғызыншы сынып оқушысын қатарлас қыздар соққыға жыққан,- деп хабарлайды Opennews.kz ақпараттық агенттігі kyn.kz сайтына сілтеме жасап.
Жамбыл облыстық полиция департаменті бұл факт бойынша қылмыстық іс қозғалғанын хабарлаған. Төбелеске қатысқан барлық жасөспірімдер анықталып, полицияға жеткізілген.
«Біз жақында №51 мектепке көшіп келгенбіз. №25 мектептің қыздары жабылып ұрып кетті. Суық қару кастетпен ұрып, реанимациядан бірақ шықты. Заң не қарап отырғанын білмеймін. Ата-аналары келіп, маған неше түрлі сөздермен қоқан-лоққы жасап жатыр. Өлтіріп кетемін деп жатыр. Балаларым мектепте қалай жүреді? Өзімді, қызымды қорғауын талап етемін», — деді қыздың анасы.
«Оқушы қыздардың ата-аналары кәмелетке толмаған балаларын тәрбиелеу міндеттерін тиісінше орындамағаны үшін жауапкершілікке тартылды. Сондай-ақ жасөспірімдердің әрекеті кәмелетке толмағандардың істері және олардың құқықтарын қорғау жөніндегі комиссия отырысында қаралып, нәтижесінде олар профилактикалық есепке қойылды», — деп мәлімдеді ведомство.
Полиция қазіргі уақытта қажетті тергеу әрекеттері жүргізіліп жатқанын айтқан.
