Қарағандыда атыс болды

Қарағанды облысының Шет ауданы Ағадыр кентінде атыс болып, бір адам жарақат алды, - деп хабарлайды "Opennews.kz" ақпарат агенттігі.

Атыс сәті түсірілген бейнежазбалар әлеуметтік желіде тарады. Видеодан қолына қару ұстаған ер адамдар көрінеді.

Қарағанды облысы полиция департаментінің баспасөз қызметі желіде тараған бейнежазбаға қатысты түсініктеме берді. Ведомство жанжалға қатысушылардың барлығы анықталғанын хабарлады. Оқиға салдарынан ер адам медициналық мекемеге аяғына оқ тиіп түсті.

Ведомство бұл қылмыстық істі тергеу полиция департаменті басшылығының бақылауында екенін мәлімдеді.