"ЛАБОРАТОРИЯЛЫҚ ЗЕРТТЕУЛЕРДIҢ САПАСЫН БАҒАЛАУ" ТАҚЫРЫБЫНДА СЕМИНАР ӨТКІЗІЛДІ

Қызылорда жоғары медициналық колледжінде дипломнан кейінгі халықаралық институттың оқытушысы, медицина ғылымдарының кандидаты Утегенова Эльмира Сейтбекқызы облыстағы орта буынды медициналық  лаборанттар мен колледждің  "Лабораториялық диагностика" мамандығының білім алушыларына  "Лабораториялық зерттеулердің сапасын бағалау" тақырыбында семинар-тренинг өткіздi, - деп хабарлайды "Opennews.kz" ақпарат агенттігі.

Бес күнге созылған семинарда ғалым  лабораториялық зерттеулердегі жаңашылдық пен нәтижелер бойынша өз тәжірибесімен бөлістi. Семинарға колледж студенттері мен оқытушыларынан бөлек қалалық және аудандық емдеу, алдын-алу  мекемелерінен 56 лаборант қатысты. 

Семинар соңында Сыр өңірінен шыққан дәрігер-ғалым Эльмира Сейтбекқызына колледж директоры Калмакова Жанар Амангелдiқызы іскерлік сапары үшін алғыс білдірдi. 

Сондай-ақ, шара соңында  барлық қатысушыларға  сертификат табысталды.