Көпқабатты үй маңынан әйелдің мәйіті табылды
1 797
Ақтауда көпқабатты үй маңынан әйелдің мәйіті табылды. Белгісіз әйелдің денесін сол үйдің тұрғындары тапқан, - деп хабарлайды "Opennews.kz" ақпарат агенттігі Lada.kz сайтына сілтеме жасап.
№24 тұрғын үйдің тұрғындары әйелдің денесін 12 мамыр күні таңғы сағат 09:00 шамасында байқаған. Ол етпетінен жатқан.
Тоғыз қабатты үй тұрғындарының айтуынша, әйел шамамен 50 жаста көрінеді, ол бұл үйде тұрмаған және оны тұрғындар танымайды. Адамдар көмек сұраған дауысты естімеген.
Өлімнің себебі әлі белгісіз. Оқиға орнында қан ізі табылмаған. Қазір учаскелік инспектордың үй-үйді аралап тексеріп жатқаны атап өтілді.
