Желіде ауруханада болған төбелестің видеосы тарады

Желіде Арқалық қаласындағы медициналық мекемеде келуші мен дәрігердің төбелескені түсірілген видео пайда болды, - деп хабарлайды "Opennews.kz" ақпарат агенттігі.

Видеоны Telegram-дағы Egov.press арнасы жариялады. Бейнежазбадан жанжалдан кейін медициналық мекемеге келген адам дәрігерге жұдырық ала жүгіргенін көруге болады. Дәрігер де төбелесе жөнелген. Оларды кабинеттегі адамдар ажыратқан. 

Жазбада видеода түсірілген жағдай Арқалық ауруханасында болғаны айтылған. 

Бұл жағдайға Қостанай облысының полиция департаменті өкілдері түсініктеме берді. Полицейлердің мәлімдеуінше, жанжал былтыр наурызда болған. 

Полицейлердің мәліметінше, емдеу мекемесіне келген адамға 36 225 теңге айыппұл салынған.