11-сынып оқушысы өзіне қол жұмсады
1 711
11-сынып оқушысы өзіне қол жұмсаған, - деп хабарлайды "Opennews.kz" ақпарат агенттігі.
Қайғылы оқиға 12 мамыр күні болған.
Полицияның дерегінше, марқұм оқушы қаладағы №9 мектепте білім алған. Суицидке не себеп болғаны әзірге белгісіз.
Мектеп басшылығының айтуынша, жасөспірім сабақты жақсы оқыған, соңғы күндері ешкіммен ұрыспаған.
“2024 жылдың 12 мамырында 11-сынып оқушысы үйінде, жеке бөлмесінде өзіне қол жұмсағаны анықталды. Мектеп әкімшілігі оның оқу үлгерімі жақсы болғанын хабарлады”, – деді Шымкенттегі білім беру мекемесінің баспасөз қызметі.
Қазір бұл істі Шымкент ішкі істер басқармасы бақылауда ұстап отыр.
“Аталған факті бойынша сот-медициналық сараптама тағайындалды”, – деп хабарлады Шымкент ІІБ баспасөз қызметі.
