11-сынып оқушысы профессорды өлтірді деген күдікке ілінді
1 596
11-сынып оқушысы профессорды соққыға жығып, өлтірді деген күдікке ілінді, - деп хабарлайды "Opennews.kz" ақпарат агенттігі.
20 мамыр күні, Медициналық Академияның профессоры Бақыт Өтегенов ауруханада қайтыс болды. Ол ауыр халде №1 қалалық ауруханаға жеткізілген. Алайда профессор 5 күннен соң аурухана төсегінде көз жұмды.
Мәліметке сәйкес, профессорды 11-сынып оқушысы аяусыз соққыға жыққан.
Жедел жәрдем көлігімен ауыр халде ауруханаға жеткізілген пациентке жабық бас сүйек миының жарақаты диагнозы қойылып, дереу жансақтау бөліміне жатқызылған. Дәрігерлер оны аман алып қала алмады.
«Күдікті анықталды. Тиісті сараптама тағайындалды. Оқиғаның мән-жайын анықтау бойынша тергеу амалдары жүргізіліп жатыр. Тергеу мүддесі үшін өзге ақпарат жария етілмейді», - деп мәлімдеді полиция.
