Қазақстандықтардың 3,3 миллиард теңге жалақысы төленбеген
1 547
Жыл басынан бері 15 мыңға жуық жұмыскерге 3,3 млрд теңге жалақы төленбеген. Заң бұзушылықты мемлекеттік еңбек инспекторлары анықтады, - деп хабарлайды "Opennews.kz" ақпарат агенттігі.
«2024 жылғы 1 тамыздағы жағдай бойынша мемлекеттік еңбек инспекторлары республиканың 259 кәсіпорны 14,9 мың жұмыскерге 3,3 млрд теңгеден астам сомаға жалақы бойынша берешек екенін анықтады. Сонымен бірге түрлі ұйымда жүргізілген тексерулер барысында 5,6 мыңға жуық еңбек құқығының бұзылуы анықталды», - деп хабарлады ҚР Еңбек және халықты әлеуметтік қорғау министрлігі.
Берешегі бар кәсіпорын басшыларына орындауға міндетті 222 ұйғарым берілді және 34,6 млн теңгеден астам сомаға айыппұл салынды.
Осылайша, 13,2 мыңнан астам жұмыскердің құқығы қорғалды. Оларға 2,6 млрд теңге төленді.
