Қаз
Рус
Екі адамды 400 мың теңгеге сатқан қылмыскер ұсталды
1 571
Адам саудасымен айналысатын қылмыскер оларды Шымкент қаласында сату кезінде ұсталды, - деп хабарлайды "Opennews.kz" ақпарат агенттігі.
Ведомствоның ресми сайтында хабарланғандай, Түркістан облысы прокуратурасының үйлестіруімен Түркістан облысы полиция департаментінің ұйымдасқан қылмысқа қарсы күрес басқармасымен жедел-іздестіру іс-шараларын жүргізу барысында Ш. есімді азамат адам саудасы үшін 400 мың теңге алу барысында ұсталды.
"Атап айтқанда, бұл азамат соңғы 2 жыл бойы мүмкіндігі шектеулі екі азаматты қайыршылық жасауға мәжбүрлеп, оларды Шымкент қаласында сату кезінде ұсталып, қамауға алынды", - деп хабарлады прокуратурадан.
Сонымен қатар тағы 10 азаматтың адам саудасымен айналысу қатыстылығына тексеру жұмыстары жүргізіліп жатыр. Қазіргі таңда адам саудасы фактісі бойынша тергеп-тексеру жүргізілуде, өзге ақпарат ҚПК 201-бабының талаптарына сай жария етілмейді.
