10 жастағы қыз көлік ішінде тірідей өртеніп кетті
1 514
27 тамызда Ақтөбе облысы Хромтау ауданы Дөң ауылында 10 жастағы қыз көлікте тірідей өртеніп кетті, - деп хабарлайды "Opennews.kz" ақпарат агенттігі.
Аулада ВАЗ көлігі өздігінен өртенген. Қайғылы оқиға көрші үйдегі бейнебақылау камераларына түсіп қалған.
"Көліктің салонында 10 жастағы қыз болған, ол қаза тапты. Оқиға кезінде ата-анасы үйде болған. Өрттің себептері анықталып жатыр", - деп хабарлады полиция.
Баланың өліміне қатысты сотқа дейінгі тергеу басталды. Қажетті сараптамалар тағайындалды.
