ХАЛЫҚТЫҚ ШТАБ МҮШЕЛЕРІ ЖАҢАДАРИЯ АУЫЛЫНЫҢ ТҰРҒЫНДАРЫМЕН КЕЗДЕСТІ

16 қыркүйек 2024, 10:19

1 213

Бүгін АЭС-ті қолдау жөніндегі аумақтық Халықтық штаб өкілдері Г.Айтжанова,Қ.Дәулет, А.Ахметжамиев Жаңадария ауылында кездесу өткізіп, Мемлекет басшысының халыққа жолдауынан туындаған мақсат-міндеттерді баяндап, референдумның маңыздылығы жөнінде айтып өтті, - деп хабарлайды "Opennews.kz" ақпарат агенттігі.

Халықтық штабтың мақсаты – ел арасында кең ауқымды түсіндіру жұмыстарын жүргізіп, қоғамда АЭС-ті қолдауға жұмылдыру. Халықты атом электр станциясын салу жөніндегі прогрессивті идеясының айналасында топтастыру, қоғамға АЭС салудың маңыздылығы мен артықшылықтарын жеткізу болып табылады.

Еліміз бойынша 70% – қамтамасыз ететін көмір электр станцияларына аса тәуелді. Дегенмен, бұл модель күрделі мәселелерге тап болуда. Сонымен қатар, экологияға айтарлық әсерін тигізуде. Жаһандық экологиялық күн тәртібін ескере отырып, көмір өндіруді дамыту қазіргі уақытта инвесторлар тарапынан қаржыландырудың жетіспеушілігімен, көміртегі шығарындыларына жоғары айыппұлдар және салықтармен қиындауда. Сонымен қатар, атом электр станциясының құрылысы келесілерге нарықтағы электр энергиясының тапшылығын өсіп келе жатқан қажеттіліктермен және тозуға байланысты азайып бара жатқан генерацияланған жабдықпен толтыруға мүмкіндік береді.

"Қазақстанға бірқатар маңызды мәселелерді шешу үшін яғни парниктік газдар шығарындыларын азайту. Атом электр станциялары көмірқышқыл газын және басқа парниктік газдарды шығармайды, бұл климаттың өзгеруімен күресуге көмектеседі, энергетикалық тәуелсіздікті қамтамасыз етеді және электр энергиясын салыстырмалы түрде төмен бағамен өндіреді, бұл тұтынушылар үшін тарифтердің өсуін тежейді", – деді Г.Айтжанова.

"Атом электр станциясы жобасы жаңа жұмыс орындарын ашып, станция орналасқан аймақта инфрақұрылымның дамуын ынталандырады. Атом энергетикасы ұзақ мерзімді перспективада электр энергиясының тұрақты бағасын қамтамасыз етеді. Бұл әсіресе өнеркәсіпті дамыту және Қазақстан экономикасының бәсекеге қабілеттілігін арттыру үшін маңызды",- деп атап өтті Қ.Дәулет.

"Қазіргі кезде елімізде цифрландыру жүріп жатыр, бұл жағдайда электр энергиясы аса маңызды стратегиялық ресурсқа айналатындығы хақ. Ал атомдық станция жел мен күн станцияларына қарағанда тиімді екендігі айтылуда. Оның үстіне электр энергиясына деген сұраныс күннен-күнге артып келеді. Сол себепті атом электр станциясын салу мәселені шешудің тиімді жолы болып тұр.

Атом электр станциясының құрылысы Қазақстан экономикасы үшін жаңа мүмкіндіктер ашады яғни, энергетикалық және өнеркәсіптік өндірісті әртараптандыру, заманауи технологияларды енгізу, қоршаған ортаға зиянды заттардың шығарындыларын азайту арқылы экологиялық жүктемені азайту, жаңа жұмыс орындарының пайда болуы. Атом электр станциясының құрылысы оның айналасындағы инфрақұрылымды дамытуды да көздейді. Мәселен, аймақты дамытудың жаңа бағдарламасы жасалып, онда жолдар, мектептер, ауруханалар, тұрғын үйлер және т.б. салынады", – деді А.Ахметжамиев.

Жиын барысында ауыл тұрғындары референдум, АЭС бойынша толғандырған сауалдарын қойып, штаб мүшлері тарапынан жауап алды.