Полицияға 2 миллион теңгенің сағаттары неге керек болды?

24 қыркүйек 2024, 12:03

1 386

Маңғыстау облысының Полиция департаменті 80 әйелдерге және 100 ер адамға арналған алтын жалатылған сағат сатып алмақ, - деп хабарлайды "Opennews.kz" ақпарат агенттігі.

Бұған бюжеттен екі миллион теңгеге жуық қаржы жұмсаған. Lada.kz сайты бұл сыйлықтар кімге арналғанын анықтады.

Мемлекеттік сатып алулар сайтында Маңғыстау облысының Полиция департаменті сағат сатып алу туралы хабарландыру жариялаған. Құжаттарда сағат алтын жалатынған болуы керек екені, ал аксессуардың бауы бұзау терісінен жасалуы керек деп жазылған.

"Механизм - жапон/щвейцариялықтан жаман емес. Механизмнің түрі – кварц. Сырты PVD Gold (алтын), қапталған (титан нитрид + 10 микрон алтын). Артқы қақпағы тот баспайтын болаттан жасалған. Шынысы - минералды, сызаттарға төзімді. Су өткізбейтін - кем дегенде 5 АТМ. Шаң/ылғалға төзімді. ( ... ) Циферблат – ақ эмаль, дөңгелек, диаметрі кемінде 30 мм, өріс өндірушінің жазулары мен эмблемаларынан таза. Бауы: аллергияға қарсы жабыны бар былғарыдан (бұзау), қара/қоңыр, қара/қоңыр жіптермен тігілген", - делінген сипаттамасында.

Сағаттың әрбір данасы 11 мың теңге тұрады. 80 данадан тұратын әйелдер сағатының жиынтығына ведомство 880 мың теңге, ал жүз ерлер сағатына - 1,1 миллион теңге бөлуге дайындалып отыр.

Тапсырыс берушінің тағы бір шарты - әдемі қаптаманың болуы. Лазерлік гравюра, артында - "ҚР ІІМ" логотипі және "МАҢҒЫСТАУ ОБЛЫСЫ ПОЛИЦИЯ ДЕПАРТАМЕНТІ" деген жазу бар, - делінген техникалық сипаттамада.

Маңғыстау облысы ПД баспасөз қызметінде ведомство осындай сағаттарды ерекше көзге түскен құқық қорғау органдарының қызметкерлері мен ардагерлеріне мереке күндері сыйлайтынын түсіндірді.