"Автопарк" иесінің ұлы мас күйінде көлікпен келе жатып полицияны қағып кеткен

Ақтөбеде Мейржан Үндіргеновтың "Автопарк" иесінің ұлы ішіп алып "Лексус" көлігін жүргізген. Ал оның әйелі полиция қызметкерін қағып кеткені туралы ақпарат жарияланды, - деп хабарлайды "Opennews.kz" ақпарат агенттігі "Диапазон" порталына сілтеме жасап.

Мәліметтерге сәйкес, 29 жастағы Бекжан көлік құралын жүргізіп келе жатып, қарсы жолаққа шыққан. Полиция оны тоқтатқаннан кейін, медициналық тексеруден өту үшін жіберілді. Онда оның алкогольдік мас күйде екені анықталды. Тексеруден кейін жүргізуші медициналық мекемеден қашып шығып, әйелімен бірге көлігіне отырды. Әйел полициядан қашуға тырысқан. Алайда оның көлігі жолда полиция қызметкеріне соғылып, оны капотында бірнеше метр бойы сүйреп апарды. Келесі күні құқық бұзушылар полиция бөлімшесіне жеткізілді.

Әкімшілік сот "Автопарктің" иесінің ұлын 15 тәулікке қамауға алып, 7 жылға жүргізуші куәлігінен айыру жазасына тартты.

Ал құқық бұзушының әйелі бойынша "құқық қорғаушыға күш көрсету" бабымен қылмыстық іс қозғалды, ол үй қамақта.  Полиция мәлімдегендей, оның қағып кеткен капитаны зардап шекпеген.

Құқық бұзушының әкесі Мейржан Үндіргенов – кәсіпкер, бұрынғы депутат, "Автопарктің" иесі.