Жалағаш ауданында өрт қауіпсіздігі қағидалары түсіндірілді
Жалағаш ауданының Төтенше жағдайлар бөлімінің, №11 өрт сөндіру бөлімінің қызметкерлері жылу беру маусымы қарсаңында Жалағаш ауданы, Таң ауылдық округінің тұрғын үй секторларында өрттің алдын алу және адам қазасын болдырмау мақсатында өрт қауіпсіздігі қағидалары түсіндіріліп, арнайы жадынамалар таратылды, - деп хабарлайды "Opennews.kz" ақпарат агенттігі.
"Егер өрт пәтерден тыс жерде болса, ең сенімді нұсқа - өрт сөндірушілер келгенге дейін оны тастамай ұстау. Мұны істеу үшін алдыңғы есіктегі жарықшақтарды дымқыл шүберекпен жабыңыз немесе есікке дымқыл көрпені іліп қойыңыз. Бұл шаралар түтіннен аулақ болуға көмектеседі. Баспалдақта ашық жану болмаса да, түтіннің концентрациясы салдарынан далаға шығуға мүмкіндік болмай қалады", - деп ескертеді ТЖМ өкілдері.
Осы орайда ТЖМ өрт қауіпсіздігінің қарапайым ережелерін еске салады:
- Сөндірілмеген темекі мен сіріңке қалдырмаңыз, электр сымдары мен құрылғыларының дұрыстығын қадағалаңыз.
- Бір желіге бірнеше электр аспаптарын қосуға жол бермеңіз және қолдан жасалған электр жылыту аспаптарын пайдаланбаңыз.
- Тек жарамды пештерді, газ және электр құралдарын пайдаланыңыз, мұржаларды күйеден уақтылы тазалап отырыңыз. Төтенше жағдайлар туындаған кезде 112 бірыңғай құтқару телефонына қоңырау шалу қажет.
