Қаз
Рус
Пандемия кезінде жоғалып кеткен ер адам табылды
1 195
Астанада туыстары 2020 жылдан бері іздеп келген 48 жастағы ер адам табылды, - деп хабарлайды "Opennews.kz" ақпарат агенттігі.
Елордалық полиция департаментінің хабарлауынша, "Кезбе" операциясы қиын өмірлік жағдайға тап болған адамдарға көмектесу және із-түзсіз жоғалған адамдарды іздеу мақсатында ұйымдастырылған.
"Төрт жыл бойы туыстары оның қайта оралатынына сенген. Полицейлердің келісілген әрекетінің арқасында ер адам аман-есен табылды. Ол көп жылдар бойы мүлде көрмеген отбасымен қайта қауышты", – делінген хабарламада.
Сонымен қатар, рейд барысында полицейлер түрлі қылмыс жасағаны үшін іздеуде жүрген 4 қылмыскерді, құқық бұзушылық жасады деген күдікпен 6 адамды ұстады.
