Пара беруге мәжбүрлеген: Атырау облыстық көші-қон қызметінің басшысы ұсталды
549
Атырау облыстық полиция департаменті көші-қон қызметінің бастығы Руслан Әділовті ұстады, деп жазады жергілікті "Ақ Жайық" басылымы.
Алдын ала мәлімет бойынша, 27 сәуірде Әділов ағасымен бірге Қазақстан Республикасының шекарасынан шығып кету қауіп төніп тұрған Молдова елінің азаматын қалалық сот судьясына пара беруге мәжбүрлеген.
"Полковник Әділовке 6 мың доллар көлемінде параны рекрутингтік агенттіктің директоры тапсырған, бірақ ағайындылар ақшаны судьяға бермей, өздерінде алып қалған", - делінген мәлімдемеде.
Қылмыстық кодекстің 367-бабы (Алдын ала сөз байласу бойынша адамдар тобын пара беруге итермелеу) бойынша қылмыстық іс қозғалды.
