Қаңтар оқиғасы бойынша жеткізілген адамды азаптаған полицей сотталды
1 362
Алматы қаласының Қылмыстық істер жөніндегі мамандандырылған ауданаралық сотында Қаңтар оқиғасы кезінде жеткізілген адамға азаптауды қолданған полиция қызметкеріне қатысты қылмыстық іс қаралды, - деп хабарлайды "Opennews.kz" ақпарат агенттігі.
Сотта анықталғандай, 2022 жылы 8 қаңтарда Алмалы ауданының полиция басқармасына жеткізілген азаматқа полиция қызметкері азаптау әдістерін қолданған. Салдарынан жәбірленушіге тән азабы келтірілген.
Кінәні мойындау туралы процестік келісімін ескере отырып, сот үкімімен сотталушыға арнайы атағынан және мемлекеттік қызметте жұмыс істеу құқығынан айыра отырып, 2 жыл 6 ай мерзімге бас бостандығын шектеу түріндегі жаза тағайындалды, – делінген прокуратура хабарламасында.
Үкім заңды күшіне енді.
