Немересі әжесін тақырға отырғызған

Теміртау қаласының 63 жастағы тұрғыны полицияға шағымданды, - деп хабарлайды "Opennews.kz" ақпарат агенттігі.

ІІМ-нің мәліметінше, зейнеткердің есепшотынан белгісіз біреу 2 миллион теңгесін шешіп алған. Ол ақшаның жоғалғанын 10 күннен кейін,  қаржы жинап жүрген есепшотын тексерген кезде байқаған. Полицейлер шұғыл іздеуге кірісіп, кінәліні анықтады. Зейнеткердің ақшасын қолды қылған өз немересі екен. 

Жасөспірім ақшаның көп бөлігін өз қажетіне жұмсап жібергенін айтқан. Қылмыстық іс қозғалды. Тергеу жүргізіліп жатыр.