FlyArystan-да 1 млрд теңгеден астам қаражат ұрланған
1 377
FlyArystan әуе компаниясында 1 млрд теңгеден астам қаражат ұрланғаны анықталды, - деп хабарлайды "Opennews.kz" ақпарат агенттігі.
FlyArystan әуекомпаниясы ішкі тексеру барысында қаражат ұрлау фактілерін анықтап, тәуелсіз тергеу жүргізу үшін аудиторлық компанияның көмегіне жүгінген.
«Тергеу нәтижелері бойынша ұрлық фактілері расталды, осыған байланысты әуекомпания кінәлі адамдарды анықтау және келтірілген материалдық шығынды өтеу үшін құқық қорғау органдарына жүгінді», делінген әуе компаниясы таратқан ақпаратта.
Компания 9 айдағы қаржы есебін қайта түгендеп, осы фактіні назарда ұстайды. Тергеу мүддесі үшін қосымша мәлімет жарияланбайды.
