Сыр дарындары Республикалық білім бәсекесінде топ жарды

3 желтоқсан 2024, 16:09

1 760

Ауыл мектептерінің 9-11 сынып оқушыларына арналған жалпы білім беретін пәндер бойынша республикалық пәндік олимпиада мәресіне жетті, - деп хабарлайды "Opennews.kz" ақпарат агенттігі.

Еліміз бойынша 500-ге жуық оқушының қатысуымен өткізілген білім бәсекесінде үздік нәтиже көрсеткені үшін Қызылорда облысы "Ең үздік олимпиадалық команда-2024" номинациясымен 1 орынды иеленді. Бұл туралы Өңірлік коммуникациялар қызметінің баспасөз алаңында "Дарын" облыстық қосымша білім беру орталығының директоры Баян Ниязова мәлімдеді.

Білім бәйгесінің республикалық кезеңіне өңірімізден 40 оқушы қатысты. 26-30 қараша аралығында Астана қаласында олимпиаданың жаратылыстану-математикалық бағыты бойынша республикалық кезеңі өткізілді. Бағы жанған 25 оқушы жүлделі орындарға ие болды. Алтын медаль - 7 оқушы, Күміс медаль - 10 оқушы, Қола медаль - 8 оқушы, Алғыс хатпен - 4 оқушы марапатталды. Қазалы ауданы №249 мектеп-лицейінің 11 сынып оқушысы, химия пәнінен алтын медаль иегері Әдiлбек Анель және Жалағаш ауданындағы №201 мектеп-лицейдің 11 сынып оқушысы Тұрсынбек Азамат физика пәнінен алтын медаль алып, Сүлеймен Демирель Университетінің білім грантын жеңіп алды. Сыр елінің мерейін асырған басқа да оқушыларымыз жүлделі орындар алып, өз білімдерін дәлелдеді, - деді Баян Бақытжанқызы.

Қызылорда облысының білім саласында тағы бір үлкен жетістікке қол жеткізілді. Облыс оқушылары республикалық білім бәсекесінде үздіктер қатарынан орын алып, топ жарды. Бұл жеңіс білім беру жүйесінің сапасын және облыс оқушыларының жоғары деңгейдегі білім алуына арналған ұстаздардың қажырлы еңбегінің нәтижесі болып табылады. Республикалық білім бәсекесі — еліміздің барлық өңірлерінен үздік оқушылардың қатысуымен өтетін үлкен жарыс. Бұл білім бәйгесі Қазақстанның әр аймағында дарынды оқушыларды анықтап, оларды қолдау мақсатында ұйымдастырылады. Әр түрлі пәндер бойынша өтетін бәсекелер оқушылардың шығармашылық, аналитикалық қабілеттерін тексеруге және дамытуға мүмкіндік береді. Қызылорда облысының дарынды оқушылары республикалық білім бәсекесінде биік нәтижелерге қол жеткізіп, өз өңірін мақтанышпен танытты. Олардың жетістіктері түрлі пәндер бойынша үздік орындар мен дипломдармен бағаланды. Жеңіске жеткен оқушылардың арасында математика, физика, химия, қазақ тілі мен әдебиеті, тарих сияқты пәндерден де үздіктер болды.

Республикалық білім бәсекесінде Сыр өңірінің дарынды оқушыларының топ жаруы — аймақтың білім беру жүйесінің жетістіктерін дәлелдейді. Бұл жеңістер тек оқушыларға ғана емес, мұғалімдер мен ата-аналарға да үлкен қуаныш сыйлап, өңірдің білім саласының дамуына зор үлес қосатыны сөзсіз.