Мұғалім мен студент бірігіп кісі өлтірген
1 479
Ақтөбеде мектеп мұғалімі мен колледж студентіне кісі өлтірді және есірткіні заңсыз дайындады деген айып тағылды, - деп хабарлайды "Opennews.kz" ақпарат агенттігі Halyqstan-ға сілтеме жасап.
Атырау көпсалалы колледжінің студенті Мейрамбек Сүйінғарин және Ақтөбедегі элиталық мектептердің бірінде тарих пәнінен сабақ беретін мұғалім Дархан Жетпісбаевтың ісін Ақтөбе облысының қылмыстық істер жөніндегі мамандандырылған ауданаралық соты қарайды.
«Күдікті Мейрамбек Сүйінғарин және Дархан Жетпісбаев кісі өлтірді, сондай-ақ есірткіні, психотроптық заттарды сату мақсатында заңсыз өндірді деп айыпталып жатыр. Олар есірткі заттарын өңдеп, дайындап, сатылымға шығарған», делінген хабарламада.
