Тағы бір мамандық иелерінің жалақысын 100 пайызға көтеру ұсынылды
1 400
Қазақстандық метеорологтар жалақылары төмен екеніне шағымданған, - деп хабарлайды "Opennews.kz" ақпарат агенттігі.
Мұндай мәлімдемені Мәжіліс депутаты Ажар Сағандықова жасады.
Сағандықованың сөзінше, бүгінде техник-метеорологтарға отбасын асырау өте қиын.
"Олардың орташа жалақысы - 120 мың теңге. Бірақ ұзақ мерзімді ауа райын, қауіпті ауа райы құбылыстарын, су тасқыны мен басқа да табиғи апаттарды болжау олардың қажырлы еңбегіне тікелей байланысты. "Қазгидрометтің" болжамдарына экономиканың көп саласы - ауыл шаруашылығынан авиацияға дейін кәсіпорындар бағдарланады", - деді депутат.
Метеорологтар тәулік бойы кезекшілік жасайды, дегенмен метеостанциялар жылусыз, сусыз контейнерлерде орналасқан.
"Олар 2023 жылы маусымда жалақысын әзер өсірді. Алайда уәде етілген 100 пайыздың орнына жалақы 70 пайызға көтерілген, бірақ ол әлі де аз", - деді депутат.
Сағандықованың айтуынша, жұмыс уақытының жиынтық есебіне байланысты метеостанциялардың қызметкерлері толық жалақы да алмайды. Үстеме жұмыс ақы жылдың соңында ғана төленеді. Сыйақы мүлдем берілмейді. Сондықтан депутат қазіргі жалақыны 100 пайызға өсіріп, метеоролог-техниктерге лайықты еңбекақы төлеуді ұсынды.
