Қаз
Рус
Дәрігерді балағаттаған науқас қамауға алынды
1 473
Шымкенттегі емханалардың бірінде науқас дәрігерді балағаттағаны үшін 5 тәулікке қамалды, - деп хабарлайды "Opennews.kz" ақпарат агенттігі.
Қалалық соттың мәліметінше, 5 қаңтар күні ер адам жанжал кезінде дәрігерге балағат сөздер айтып, қоғамдық тәртіпті бұзған.
Айыпталушы сотта өз кінәсін мойындап, істеген ісіне өкінетінін айтты. Ол жәбірленушіден кешірім сұрап, өзін қатаң жазаламауын сұрады.
“Сот жоғарыда аталған мән-жайларды ескере отырып, оған әкімшілік құқық бұзушылық туралы кодекстің 434-бабы 1-бөлігіне сәйкес бес тәулікке әкімшілік қамаққа алу түріндегі жаза тағайындады”, – делінген хабарламада.
Сот шешімі әлі заңды күшіне енген жоқ.
