Қатты желден автобус аударылып қалды

Бүгін сағат 08:54 шамасында республикалық маңызы бар Бастау — Ақтау — Теміртау автожолында, Петровка ауылының маңында Ботақара — Қарағанды бағыты бойынша жүріп бара жатқан №84 маршруттық автобус аударылып қалды, - деп хабарлайды "Opennews.kz" ақпарат агенттігі.

ҚР Ішкі істер министрлігінің мәліметінше, төтенше жағдай салдарынан зардап шеккен жолаушыларға полицейлер көмек көрсетті.

Алдын ала мәліметтер бойынша оқиғаға қатты желдің екпіні себеп болды. Оқиға болған сәтте автобустың ішінде 17 жолаушы болған. Зардап шеккендер жоқ.

Полиция қызметкерлері оқиға орнына жылдам жетіп, жолаушыларға көмек көрсетті. Олардың өтіп бара жатқан көліктермен үйлеріне жетуіне атсалысты.