Депутат күйеуінен 12 жыл зәбір көргенін әйел президенттен көмек сұрады
Атырау облыстық мәслихатының депутаты Айбар Ерекешовтің бұрынғы әйелі Нұржамал Тәжғалиева Қазақстан президенті Қасым-Жомарт Тоқаевқа қорғауды сұрап, үндеу жолдады, - деп хабарлайды "Opennews.kz" ақпарат агенттігі.
Ол күйеуінің 12 жыл қорлық көрсетіп, соққыға жыққанын мәлімдеді.
Арызданушы Нұржамал Тәжғалиеваның айтуынша, екеуі отау құрған жылдары Ерекешов оны жүйелі түрде ұрып-соғып, қорлаған. 2018 жылы Айбар Ерекешов оның басын ұялы телефонмен ұрып жіберген, ал 2023 жылы оған тағы да күш қолданған.
Сонымен қатар, бұрынғы әйелі Ерекешовтың атыс қаруы бар екенін және оны заңсыз пайдаланғаны үшін бұрын әкімшілік жауапкершілікке тартылғанын айтты.
Әйел бірнеше рет полицияға арыз жазған. Бірақ күйеуі мен ата-анасының қысымынан соң қайтарып алған. Себебі ер адам түзелуге уәде берген. Ал полиция оның барлық әрекетін жасырып отырған көрінеді. Облыстық полиция аталған оқиғаға қатысты тергеу жүргізіліп жатқанын айтты.
Айбар Ерекешовтің өзі бұрынғы әйелі айтқан айыпты жоққа шығарды. Оның айтуынша, бұрынғы әйелінің айтқандарының барлығы өтірік, жала. Ол ешқашан оған қол көтермегенін және ол айтқан жарақаттардың басқа себептермен болғанын алға тартты.
