Енді жолаушылар пойыздардың қай жерде келе жатқанын біліп отырады

17 ақпан 2025, 12:00

1 365

Жолаушылар үшін пойыз қозғалысын нақты уақыт режимінде бақылау қызметі іске қосылды, - деп хабарлайды "Opennews.kz" ақпарат агенттігі.

"Жолаушылар тасымалы" АҚ жолаушыларға арналған "Пойыз қозғалысының онлайн тақтасы" атты жаңа цифрлық сервисті қолданысқа енгізді. Енді жолаушылар нақты уақыт режимінде пойыздардың келу және кету уақытын бақылап, қозғалыс кестесіндегі өзгерістер туралы жедел ақпарат ала алады.

Аталған қызмет "Жолаушылар тасымалы" АҚ Ситуациялық орталығы аясында әзірленді. Орталық жолаушылар пойыздарының қозғалысын тәулік бойы бақылап, мониторинг жүргізеді. Пойыздарға орнатылған GPS-трекерлер деректерді автоматты түрде орталыққа жіберіп, пойыздардың орналасқан жерін дәл анықтауға және қозғалыс кестесін жедел жаңартуға мүмкіндік береді. Жаңа сервис жолаушыларға bilet.railways.kz ресми сайтында қолжетімді.

Пойыз қозғалысы туралы ақпарат алу үшін:

1. https://bilet.railways.kz (https://bilet.railways.kz/) сайтына кіру қажет.

2."Пойыз қозғалысының онлайн тақтасы" баннерін басу керек.

3. Картадан қажетті пойызды таңдау қажет.

4.Сондай-ақ, қызметке https://tablo-railways.kz/ru/ сайты арқылы да кіруге болады.

"Пойыз қозғалысының онлайн тақтасы" жолаушыларға нақты уақыт режимінде пойыздың қозғалысын картадан бақылауға (пойыз қызыл түспен белгіленеді), таңдаған станциядағы келу және жөнелту кестесін тексеруге, қозғалыс кестесіндегі өзгерістерді бақылауға, барлық аялдама станцияларын, олардың күту уақытын және межелі бекетке шамамен келу уақытын көруге мүмкіндік береді, - делінген ақпаратта.

Tablo-railways.kz сайтында пойыз билеттерін онлайн сатып алу, электронды отырғызу талонын алу, орындарды талап-шағым бойынша қайтару, ағымдағы пойыздар кестесін қарау және жүктердің құнын есептеу сияқты қосымша қызметтер қолжетімді.

Ұлттық тасымалдаушы жолаушыларға сапалы және ыңғайлы қызмет көрсетуге басымдық береді. Осы мақсатта сервис жұмысына қатысты ұсыныстар мен пікірлерді қабылдау жүйесі іске қосылған. Жолаушылар өз ескертулері мен тілектерін сайттағы "Кері байланыс" бөлімі арқылы қалдыра алады, - деп жазды "Жолаушылар тасымалы" АҚ баспасөз қызметі.