Қаз
Рус
Қосылған құн салығына байланысты Қазақстанда тұрғын үй бағасы өседі
1 389
Қазақстанда құрылыс салушылар үшін 16%-дық қосылған құн салығы (ҚҚС) ставкасы енгізілгеннен кейін тұрғын үй бағасы көтерілуі мүмкін, - деп хабарлайды "Opennews.kz" ақпарат агенттігі.
Мұны ұлттық экономика вице-министрі Азамат Амрин мәлімдеді.
Құрылыс бизнесі үшін ҚҚС-ны 16% етіп белгілеу ұсынылды. Ұлттық экономика вице-министрі Азамат Амриннің айтуынша, бұл бизнесті көлеңкеден шығару үшін қажет.
Мәжіліс алаңында журналистер ҚҚС көтерілгеннен кейін тұрғын үй бағасы өсе ме деп сұрады. Амрин салық мөлшерлемесін өсірмесе де, елде баға өсіп жатыр деп жауап берді.
"Инфляция шамамен 3% өседі. Әрине, баға өседі. Барлық тауар, әсіресе азық-түлік емес тауарлардың бағасы көтеріледі. Құрылымды есептесеңіз, тек ҚҚС есебінен бағаға байланысты 2,7-3%", – деді вице-министр.
Шенеуніктің айтуынша, тұрғын үй құрылысына пайдаланылған материалдар ескі бағамен алынғандықтан, салынып біткен пәтерлер қазіргі бағамен сатылады.
