"Су зиратқа дейін жетті": Қостанай облысын су басу қаупі бар

Кеше, 12:21

1 239

Қостанай облысында айналма каналдың суы Новоселовка ауылының маңындағы бейітті басып қалды, - деп хабарлайды "Opennews.kz" ақпарат агенттігі.

Қостанай облысында айналма канал бітеліп, салдарынан тасыған су зиратқа басына жеткен. Жергілікті тұрғындардың айтуынша, мұндай жағдай алғаш рет болып тұрған жоқ. Қыста бұл жағдай бірнеше рет қайталанады. Алайда су деңгейі бұрын-соңды мұндай жерге жеткен емес дейді.

Қанал 2024 жылы көктемде Қарасу ауданында, Новоселовка ауылының маңында тасқын суды ағызу үшін салынған. Дегенмен ол үнемі бітеліп, су басу қаупін тудыратын көрінеді. Тұрғындар көктем келе су деңгейі бақылаудан шығып, ауылды су басады деп қауіптеніп отыр.

“Күзде адамдар жанайқайын айтты, бірақ оны ешкім естімеді, естігісі де келмеді. Жемқорлық! Міне, істегендері. Зиратты су басты. Ары қарай не болатынын ойлаудың өзі қорқынышты”, – дейді ашынған халық.

Қостанай облысының төтенше жағдайлар департаменті Қарасу ауданы, Новоселовка ауылында ауа температурасының төмендеуіне байланысты дренаждық арнада мұз қабаты пайда болып, салдарынан су тасығанын мәлімдеді.

“Су зират аумағына дейін жетіп, оның бір бөлігін басып қалды. Қазір судың одан әрі жайылуының алдын алдық. Жергілікті атқарушы органдардың күшімен арнаны тереңдету және кеңейту, сондай-ақ мұз қабатын қопсытып, инженерлік жұмыстар жүргізіліп жатыр. Құндызда өзенінің су өткізуін арттыру үшін мұзды қопсыту жұмыстары жүргізілді. Алты арнайы техника жұмылдырылды. Құтқарушылар жағдайды бақылау үшін барлық жердегі көліктерді пайдаланып, айналма жолды жасап жатыр. Жағдай бақылауда”, – делінген хабарламада.

Құтқарушылар судың неге баяу кетіп жатқанын анықтау үшін ғылыми институттарға хат жолдағанын хабарлады. Былтыр бірігіп кеткен көлдер арасындағы аумақ судан тазартылмағандықтар Қарасу өңіріндегі су тасқыны жергілікті тұрғындарды алаңдатып қойды.