Қаз
Рус
Ауа райына байланысты жолдар жабылды
1 267
Қарағанды облысында ауа райының қолайсыздығына байланысты автожолдар жабылды, - деп хабарлайды "Opennews.kz" ақпарат агенттігі.
"Қарағанды облысында 6 наурыз күні қатты боран мен төмен көріну салдарынан республикалық және облыстық маңызы бар барлық автожолдар жабылды", - делінген хабарламада.
Қиын метеожағдайларға байланысты облыс жолдарында 719 жеңіл автокөлік, 605 жүк көлігі және 16 қоғамдық көлік тоқтап қалды. Ауа райының қолайсыздығы көлік қозғалысының қиындауына және жол-көлік оқиғаларының көбеюіне әкелді. Атап айтқанда, Қарағанды — Теміртау тасжолында үш жол-көлік оқиғасы болған. Абырой болғанда зардап шегугілер жоқ. Апаттардың негізгі себептері — нашар көріну және жүргізушілердің жылдамдық режимін сақтамауы.
