Қаз
Рус
Батыс Қазақстанда тағы бір ұшқышсыз аппарат табылды: Полиция пікір білдірді
1 924
18 наурыз күні Батыс Қазақстан облысындағы Тасқала ауданында ұшқышсыз аппарат құлады, - деп хабарлайды "Opennews.kz" ақпарат агенттігі.
Хабарлама Атамекен ауылының тұрғындарынан келіп түскен. Бұл туралы “Орал апталығы” порталына сілтеме жасап хабарлайды.
Аппарат құлаған жерге Оралдан әскери-инженерлік қызметкерлер жіберілді.
“Нысанның ұзындығы 300 сантиметр. Оқиға орнына Тасқала аудандық полиция бөлімінің қызметкерлері жетті. Сондай-ақ аудан әкімдігі мен төтенше жағдайлар қызметкерлері аудан орталығы Тасқала кентіне аттанды”, – делінген хабарламада.
Батыс Қазақстан облысының полиция департаменті 18 наурыз күні Тасқала ауданында табылған дронға қатысы пікір білдірді.
Тасқала ауданынан ұшқышсыз аппаратқа ұқсас нысан табылған соң облыстық полиция уәкілетті қызметтермен бірлесіп тексеру шараларына кірісті.
“Нысан елді мекендерден алыс, шалғай аумақта құлап, бүтін күйде табылды. Аппаратта көзге көрінетін зақымдар жоқ. Оқиғаның барлық мән-жайы анықталып жатыр", – деп мәлімдеді полиция.
