Қазақстанда базарлар саны азайып келеді

Елімізде соңғы бес жылда базар саны 18,2% қысқарған, -  деп хабарлайды "Opennews.kz" ақпарат агенттігі.

2024 жылдың қорытындысы бойынша елімізде 626 базар тіркелген, бұл 2023 жылмен салыстырғанда 18 бірлікке кем.

Қазақстанда соңғы бес жылда базар саны 18,2% қысқарған (2019 ж. – 765 бірлік). Базарлардың 69,2% қалалық жерлерде орналасқан.

Базар саны ең көп өңір:

• Түркістан облысында – 106;
• Ақтөбе облысында – 57;
• Алматы облысында 56-сы тіркелген.
• Базар саны ең аз өңір:
• Ұлытау облысында – 7 бірлік.

Мәмілелер көлемі бойынша базарлардың 584 бөлшек, 42-сі көтерме саудамен айналысады. Сондай-ақ базардың 333-і жабық жайда орналасқан.