Шерзат Болаттың өліміне қатысты іс бойынша куәгер оқиға орнында мылтық қайдан пайда болғанын айтты
1 214
Бүгін Шерзат Болаттың өліміне қатысты іс бойынша сот отырысында куәгер Эльмира Нұрбековадан жауап алынды, - деп хабарлайды "Opennews.kz" ақпарат агенттігі.
Cот отырысы барысында куәгер Эльмира Нұрбековаға бірнеше сұрақ қойылды. Олардың бірқатары қылмыс орынында қолданылған мылтыққа байланысты болды.
"Дүкенде мен ешкімді ұстамадым. Мені қорқытып шық дегенде, мен шығып кеттім. Дүкеннің жанында көлік тұрды, мен сол жаққа бет алдым. Мен оны бөгеген жоқпын. Қаруды сақалы бар, кепка киген адам алып келді, - деді әйел.
Осы тұста куәгер ол адам кім болғаны туралы сұраққа жауап берді.
"Түсінгенім – ол қайтыс болған баланың ағасы", - деді Эльмира Нұрбекова.
"Сіз сонда мылтықты Ғайыпбаев әкелді дегіңіз келіп тұр ма?", - деп нақтылап сұрады қорғаушы.
"Иә. Басында мен оны фотосурет арқылы таныдым. Кейін бір-бірімізді көзбе-көз беттестіру кезінде көрдік", - дед мәлімдеді куәгер.
