140 балл жинаған тағы бір алматылық оқушыға пәтер берілді
1 560
Алматы тұрғыны Айша Сатыбалды Ұлттық бірыңғай тестілеуден (ҰБТ) 140 балл жинады. Жоғары жетістігі үшін білім ордасы оған пәтер сыйлады,- деп хабарлайды "Opennews.kz" ақпарат агенттігі.
"140 балл жинағаныма әлі күнге дейін сене алмай жүрмін. Шын айтсам, ондай нәтиже күткен де жоқпын. Негізгі мақсатым – 130 балдан асу еді. Дегенмен дайындыққа екі жылымды арнадым: 10-сыныпта ағылшын тіліне, 11-сыныпта тарих пәніне басымдық бердім. Ұйқысыз түндер мен күйзеліс болды, бірақ тест тапсыру жеңіл өтті”, – деді Айша.
