Жыл соңына дейін барлық пойыздарға бейнебақылау жүйелері орнатылады

Қазақстандық пойыздардың басым бөлігіне бейнекамералар орнатылды,- деп хабарлайды "Opennews.kz" ақпарат агенттігі KTK телеарнасына сілтеме жасап.

Бұл шара құқықбұзушылықты азайтып, жолаушылардың заттарын табуға көмектеседі. Қазірдің өзінде 4 мың камера қойылған.

Мамандардың айтуынша, бейнебақылау камераларындағы жазбалар ситуациялық орталықта мұқият бақыланады. Вагондардағы видеолар нақты уақыт режимінде таратылады. Бұл стандартты емес жағдайларға дер кезінде әрекет етуге көмектеседі. "Қазақстан темір жолы" өкілдері бейнебақылау жақында пайда болғанына қарамастан, пойыздардағы тәртіп бұзушылық деңгейі қазірдің өзінде 21% төмендегенін атап өтті. Шағымдар саны да үштен бірге азайған. Ал ұмытылған әрбір тоғызыншы зат иелеріне қайтарылған. Ал жаңа вагондар бейнебақылау жүйесімен жабдықталған күйде келіп жатыр екен.