Қызылордалық полицей каратэден әлем чемпионы атанды
2 369
Дүниежүзілік спорт додасына 50-ден астам мемлекеттен өкілдер қатысқан.
Қызылорда облыстық полиция департаментінің жылдам қимылдайтын арнайы жасақ инспекторы, полиция аға лейтенанты Кемелбек Қабланбек Египет астанасы Каирде каратэден ересектер арасында өткен Әлем чемпионатының жеңімпазы атанды, - деп хабарлайды "Opennews.kz" ақпарат агенттігі.
Қызылордалық тәртіп сақшысы Армения, Ресей, Египет спортшыларымен сынға түскен.
Айта кетейік, полицейдің жасы – небәрі 24-те, спорттың бұл түрімен 2009 жылдан бері айналысып келеді. Жасөспірімдер арасындағы ел чемпионы, Азия, Әлем чемпионаттарының жүлдегері болған.
