Тауға шықпас бұрын ескеріңіз: маршрутты ТЖМ-ге хабарлау міндеттелді

Қазақстанда өмір үшін қауіп-қатері жоғары жерлерге бару тәртібі өзгерді. Төтенше жағдайлар министрлігі 2025 жылғы 27 тамызда № 363 бұйрықпен жетуі қиын су, тау және спелеологиялық аймақтардың тізбесі мен жүру маршруттарын хабарлау қағидаларын бекітті, - деп хабарлайды "Opennews.kz" ақпарат агенттігі.

Құжат Әділет министрлігінде тіркелген (№ 36696).

Жаңа ережеге сәйкес, азаматтар мұндай аймақтарға шықпас бұрын өз маршруттарын ТЖМ аумақтық бөлімшелеріне хабарлауға міндетті. Бұл ақпарат:

• «eQonaq» жүйесі арқылы,
  
• Тиісті органның электрондық поштасы арқылы,
  
• Немесе 112 нөміріне қоңырау шалу арқылы беріледі.
  

Хабарламада саяхатшының аты-жөні, байланыс деректері, сапар бағыты мен ұзақтығы көрсетілуі тиіс. Егер топпен барса, барлық мүшелер туралы мәлімет беріледі.

Бұл шара азаматтардың қауіпсіздігін арттыру және төтенше жағдайлардың алдын алу мақсатында енгізілді.