Мектеп оқушыларының жанжалы пышақ жарақатымен аяқталды
1 461
Батыс Қазақстан облысында кәмелетке толмаған жасөспірім өзінен жоғары сынып оқушысымен жанжалдасып, оған пышақ жарақатын салған. Оқиға салдарынан жараланған оқушы ауруханаға жеткізілді. Қазір бұл факті бойынша қылмыстық іс қозғалып, тергеу амалдары жүргізілуде, - деп хабарлайды "Opennews.kz" ақпарат агенттігі.
Қанды оқиға Орал қаласына жақын орналасқан Подстепное ауылындағы мектепте орын алған. Ауыл тұрғындарының айтуынша, екі оқушы мектептің дәретхана маңында сөзге келіп қалған. Сол кезде 9-сынып оқушысы пышақ алып, қарсыласын жаралаған деген болжам бар.
"Жанжал жұма күні басталған. Күзгі бал кезінде ұлдар сөзге келіп қалған. TikTok-қа, лүпілдерге қатысы бар болса керек. Бірақ сол кездегі мәселені енді ғана түбегейлі шешуді ұйғарған шығар. Мектепке пышақ алып келген бала тұрмысы нашар отбасыдан шыққан. Пышақ жарақатын алған оқушы жедел жәрдем көлігіне өзі барып отырды. Оны алып кетті", - деді ауыл тұрғыны.
Қазір мектеп маңын полиция қоршауға алған, оқу орнының әкімшілігі құқық қорғау органдарымен жұмыс істеуде.
"Қазіргі уақытта аталған факт бойынша болған оқиғаның барлық мән-жайын анықтауға бағытталған сотқа дейінгі тергеу амалдары жүргізілуде. Күдікті – кәмелетке толмаған оқушы ұсталып, полиция бөліміне жеткізілді. Кәмелетке толмағандардың заңды өкілдері балаларды тәрбиелеу жөніндегі міндеттерді орындамағаны үшін жауапқа тартылатын болады.
