4-сынып оқушылары сыныптасын соққыға жықты

Қарағандыда №24 мектептің 4-сынып оқушылары сыныптасын жабылып ұрып-соқты деп хабарлайды Opennews.kz ақпарат агенттігі.

10 жастағы Мирас Мамаев қазір Оңтүстік-Шығыс ауданындағы балалар ауруханасының нейрохирургия бөлімінде жатыр. Бала төбелестен кейін өзін жайсыз сезінген соң анасы оны емханаға жеткізген. Дәрігерлер жағдайды бағалап, ми шайқалу күдігімен және ішкі ағзаларынан жарақат бар-жоғын анықтау үшін дереу ауруханаға жатқызған.

Жәбірленушінің анасы Жібектің айтуынша, төбелес мектеп қақпасының сыртында орын алған.Үш бала Мирасты алдын ала тосып тұрған.

Медициналық тексерістен соң оқиға туралы ақпарат ювеналдық полицияға берілген. Үш оқушының тек біреуінің ата-анасы ғана кешірім сұраған. Қалғандары оқиғаға қатысты ешқандай түсініктеме бермеген. Жанжал балалар арасындағы қарапайым реніштен басталған. Жәбірленушінің анасы арызын қайтарып алмайтынын және баласына қол жұмсағандарға лайықты шара қолданылуын талап ететінін айтты.