Қаз
Рус
Қала әкімі өз үйінде өлі табылды
1 600
Ақтөбе облысы Темір ауданы Темір қаласының әкімі Еркін Далмағамбетов өзіне қол жұмсады. 46 жастағы шенеуніктің денесі өз үйінен табылды, - деп хабарлайды "Opennews.kz" ақпарат агенттігі Orda.kz сайтына сілтеме жасап.
Жағдай 20 желтоқсан күні сағат 21:00 шамасында болды. Бейресми дерекке сүйенсек, сол күні жолдастарымен кездескен. Қайғылы хабарды аудан әкімдігі растады.
«Оқиға бар. Денесі өз үйінен табылды. Қазіргі таңда жан-жақты қаралып, тергеу жүріп жатыр. Балалары бар», – деді Темір ауданы әкімі Алмас Жақсылықов.
Еркін Далмағамбетовтың артында екі әйелінен 6 баласы қалды.
«Өз-өзіне қол жұмсау фактісі бойынша полиция сотқа дейінгі тергеп-тексеру жұмыстарын бастады. Оқиғаның мән-жайы анықталуда. ҚР ҚПК-нің 201-бабына сәйкес өзге ақпарат жариялауға жатпайды», – деп хабарлады Ақтөбе облысы ПД-нің баспасөз қызметі.
Далмағамбетов 2024 жылдың 3 маусымында бастап Темір қаласының әкімі болып сайланған. Еңбек жолын 2001 жылы бастаған. Әр жылдары жер қатынастары саласында түрлі лауазымдар атқарып, жеке секторда істеген.
