Әйелін атпен таптап кетпек болды
1 510
Әлеуметтік желіде атқа мінген ер адам әйелді жұлқып, балағаттаған. Видеодан әйелге дөрекі сөйлеп, оны қорқытып жатқанын көруге болады,- деп хабарлайды Оpennews.kz ақпарат агенттігі.
Ер адамның әрекетін әйелі видеоға түсіріп алған.
Белгілі болғандай, ерлі-зайыптының бес баласы бар. Видеода әйелі күйеуінің өзіне ғана емес, балаларына да жекіп сөйлеп, балағаттайтынын көрсеткісі келген. Сондай жасырын түсірілген бейнежазбадан ішімдікке сылқия тойып алған күйеуінің қызына дөрекі сөйлеп, балағаттап жатқанын көруге болады.
Бұл видео полицияның назарын аударды. Алматы облысы полиция департаменті отбасында болуы мүмкін зорлық-зомбылық фактісі бойынша тексеру бастаған.
Instagram әлеуметтік желісін мониторингтеу барысында полиция қызметкерлері Алматы облысы, Архарлы ауылының 49 жастағы тұрғынының әйеліне зорлық-зомбылық көрсеттеді деген ақпараты бар жазбаны анықтаған. Материал тіркелді, тексеру жүргізіліп жатыр. Оның нәтижелері бойынша қолданыстағы заңнама аясында процессуалдық шешім қабылданады”, ‒ деп мәлімдеді ведомство.
Полиция бұған дейін мұндай дерек бойынша арыз түспегенін атап өтті.
