Зейнетақы жинақтарын ипотека пайызын төлеуге қолдануға болмайды

31- ші қаңтардан бастап қазақстандықтар зейнетақы жинақтарын ипотека бойынша пайыз төлеуге пайдалана алмайды,- деп хабарлайды Оpennews.kz ақпарат агенттігі.

 Енді біржолғы зейнетақы төлемдері тек негізгі қарызды өтеуге бағытталады. Тиісті өзгерістер 2026 жылғы 13- ші қаңтардағы министрлік бұйрығымен енгізілген. 

Мәліметтерге сенсек, өнеркәсіп және құрылыс министрінің міндетін атқарушының 2026 жылғы 13- ші  қаңтардағы бұйрығымен тұрғын үй жағдайларын жақсарту үшін біржолғы зейнетақы төлемдерін пайдалану қағидаларына өзгерістер мен толықтырулар енгізілген. 

Енді зейнетақы жинақтарын тек негізгі қарызды өтеуге ғана қолдануға болады, ал ипотека бойынша пайыздарды төлеуге пайдалануға рұқсат етілмейді.