«Түрі ұнамаған»: Ер адам көшедегі әйелді не үшін пышақтағаны белгілі болды
1 519
Шымкенттегі трагедия: күндіз көшеде ер адам әйелге пышақпен шабуыл жасаған еді. Алған жарақаттарының салдарынан әйел оқиға орнында көз жұмды, - деп хабарлайды "Opennews.kz" ақпарат агенттігі.
41 жастағы әйел алған жарақатынан оқиға орнында қаза тапқан. Күдіктінің айтуынша, мұндай жауыздыққа баруына марқұмның түр-әлпеті ұнамағаны себеп болыпты. Ол мұнымен қоймай, полицияға да қарсылық көрсеткен. Сол себепті тәртіп сақшылары оны ұстағанда қару қолдануға мәжбүр болған.
Күдікті жараланып, дереу ауруханаға жеткізілген. Бұған дейін де сотты болған күдіктіге «Адам өлтіру» бабымен қылмыстық іс қозғалып, тергеу жүріп жатыр.
«Күдікті медициналық мекемеге жеткізілді және полицияның күзетінде. Оқиғаның барлық мән-жайын анықтауға бағытталған қажетті тергеу жүргізіліп жатыр», — деді Шымкент ПД бастығының міндетін атқарушы Арман Бейсенбаев.
