Ер адам кіреберісте ілулі тұрған әйелдің іш киімін ұрлап кеткен

Маңғыстау облысының орталығы Ақтауда тұрғын үй подъезінде кептіріліп тұрған әйелдер ішкиімінің ұрлануына байланысты тексеру басталған,- деп хабарлайды Оpennews.kz ақпарат агенттігі.

Оқиға сәті түсірілген бейнежазба жергілікті Instagram-пабликтердің бірінде жарияланған. Кадрлардан ер адамның подъездегі кептіргішке жақындап, әйелдерге арналған бюстгальтерді абайлап шешіп алып, пакетіне салғаны, кейін оқиға орнынан кетіп қалғаны көрінеді.

Аталған жағдайға Маңғыстау облысы полиция департаменті түсініктеме берген. Құқық қорғау органдары бұл дерек бойынша тексеру басталғанын мәлімдеген.