Мас жолаушы автобус жүргізушісіне пышақпен шабуыл жасаған

Таразда ішімдікке сылқия тойып алған жолаушы автобустың жүргізушісіне пышақ ала жүгіріп, оны жаралаған,- деп хабарлайды Оpennews.kz ақпарат агенттігі  Stan.kz порталына сілтеме жасап. 

Оқиға болған сәтте түсірілген видео Aulieata media парақшасында жарияланған.

Куәгерлердің айтуынша, мас жолаушы автобустың жұмыс уақыты аяқталғанына қарамастан, жүргізушіден автобусты тоқтатпай, жүргізуін талап еткен. Олардың арасында жанжал туындап, кейін төбелеске ұласқан. Төбелес барысында 40 жастағы ер адам 59 жастағы автобус жүргізушісін пышақпен жарақаттаған.

Құқық қорғау органдарының мәліметінше, оқиға орнына полиция қызметкерлері жедел жеткен.

Қазір оқиғаның барлық мән-жайын анықтау үшін тергеу әрекеттері жүргізіліп жатыр. Зардап шеккен адамның жағдайы әзірге белгісіз.