WhatsApp желісі арқылы ыдыс-аяқ сатқан ерлі-зайыптылар сотталды

Жамбыл облысында ерлі-зайыпты жұп WhatsApp мессенджерінде ірі алаяқтық схемасын ұйымдастырғаны үшін сотталды,- деп хабарлайды Opennews.kz ақпараттық агенттігі Stan.kz сайтына сілтеме жасап.

Олар төмен бағада ыдыс-аяқ сататындарын айтып, адамдардан алдын ала төлем алған. Осылайша адамдардан 50 миллионнан аса ақша алған.  2024 жылғы желтоқсаннан бастап жұп WhatsApp-та ыдыс-аяқ пен тұрмыстық заттарды нарықтағыдан әлдеқайда төмен бағамен сату туралы хабарландырулар жариялаған. Алаяқтар бірінші клиенттерге шын өнім жеткізіп, сенім қалыптастырған. Содан кейін олар тапсырысты қабылдап, ақша алған соң міндеттемелерін орындамай, қаражатты өз мақсаттарына жұмсаған. Олардың отбасылық бизнес әрекеттерінің салдарынан 112 адам зардап шеккен. Жалпы материалдық шығын 51,2 миллион теңгеден асқан. Сот барысында айыпталушылар өз кінәсін толық мойындап, өкінгендерін жеткізген. Сот екеуін де кінәлі деп танып, нақты мерзімге бас бостандығынан айырған:

Ер адам: 2 жыл 8 ай бас бостандығынан айырылған.

Әйелі: 2 жыл 4 ай бас бостандығынан айырылған.

Жамбыл облысының прокуратурасы азаматтарды әлеуметтік желі мен мессенджердегі қатты төмен бағамен ұсынылған жарнамаларға сенбеуге шақырған. Сатып алу кезінде кепілдік беретін ресми құжатты талап ету маңызды.