15 млн теңгенің ұялы телефондарын ұрлаған ер адам ұсталды
1 518
Ақтөбе қаласындағы дүкендердің бірінде 15- ші наурыз күні түнгі уақытта ұялы телефон ұрлығы жасалды,- деп хабарлайды Opennews.kz ақпарат агенттігі Baq.kz сайтына сілтеме жасап.(Видео)
Белгісіз азамат кіреберіс есіктің әйнегін балғамен сындырып, дүкен ішіне заңсыз кіріп, 18 ұялы телефонды ұрлап кеткен. Кәсіпкердің бағалауынша, келтірілген шығын шамамен 15 миллион теңгені құрады. Жедел-іздестіру іс-шаралары барысында полиция қызметкерлері күдіктіні анықтап, ұстаған. Ер адам қала көшелерінің бірінде ұрланған телефондарды сатпақ болған кезде қолға түскен.
«Тергеу әрекеттерінің нәтижесінде барлық ұрланған ұялы телефон тәркіленген. Аталған факті бойынша сотқа дейінгі тергеп-тексеру жүргізіліп жатыр. Күдікті уақытша ұстау изоляторына қамалған.
Полиция департаменті сауда нысандарының иелеріне қауіпсіздік шараларын сақтау қажеттігін ескертеді, оның ішінде күзет дабылын, бейнебақылау жүйелерін орнату және кіреберіс бөліктерін күшейту қажет», – делінген облыстық Полиция департаментінің хабарламасында.
