Экс-әкім орынбасары Жақсылық Омар алты жылға бас бостандығынан айырылды

Өскемен қаласының қылмыстық істер жөніндегі ауданаралық сотында Шығыс Қазақстан облысы әкімінің экс-орынбасары Жақсылық Омарға сот үкімі шығарылды, - деп хабарлайды Opennews.kz ақпарат агенттігі Stan.kz сайтына сілтеме жасап.

Бүгін, 3 сәуірде Өскемен қаласының №2 сотында Жақсылық Омарға қатысты қылмыстық іс бойынша соңғы сот отырысы өтті. Оны алаяқтық пен пара алу баптары бойынша кінәлі деп танып, сот 6 жылға бас бостандығынан айыру туралы шешім қабылдады. Сот үкіміне сәйкес, Жақсылық Омардың мүлкі тәркіленді, соның ішінде Toyota маркалы автокөлігі де мемлекетке қайтарылды. Сонымен қатар, ол өмір бойына мемлекеттік қызметте, сот жүйесінде, жергілікті өзін-өзі басқару органдарында және квазимемлекеттік секторда қызмет атқару құқығынан айырылды.

Тергеу деректері бойынша, бірінші эпизод Жақсылық Омардың Өскемен қаласының әкімі болып тұрған кезеңіне қатысты. Жәбірленушінің өтініші бойынша қалалық кәсіпорынның бірінен 2021 жылғы Toyota Camry автокөлігі алынған. Кейін көлік үшінші тұлғаның атына қайта рәсімделіп, trade-in бағдарламасы арқылы жаңа көлікке айырбасталған. Тергеу мәліметі бойынша, автокөлікті Жақсылық Омар өзі пайдаланып келген. Жәбірленушіге келтірілген шығын 13 миллион теңге деп бағаланғанымен, сотта ол шығынның толық өтелгенін айтып, ешқандай талап арызданбаған. 31 наурызда өткен сот жарыссөздерінде мемлекеттік айыптаушы Жақсылық Омарды алты жылға бас бостандығынан айыруды сұраған еді. Сот үкімі айыпталушының кінәсін растап, мемлекеттік мүлікті тәркілеу және қызмет атқару құқығынан өмір бойына айыру шараларын қамтыды.