Каспий жағалауынан жүзге жуық итбалықтың өлексесі табылды

Каспий теңізінің Маңғыстау облысы Түпқараған ауданы аумағындағы жағалауын мониторингілеу кезінде 97 итбалықтың өлексесі табылған,- деп хабарлайды Opennews.kz ақпарат агенттігі nege.kz сайтына сілтеме жасап.

17-ші сәуірде батыстан соққан желдің әсерінен Түпқараған ауданы аумағындағы Каспий теңізі жағалауына 191 итбалықтың өлексесі шығып қалғаны белгілі болды. Оқиға орнына жұмыс тобын құру, өлі итбалықтардан сынама алу, қырылу себептерін анықтау және өлекселерді жою жұмыстарын ұйымдастыру мақсатында инспекторлар мен жергілікті атқарушы орган өкілдері барған. Гидробиология және экология институты мамандарының пікірінше, итбалықтар бір айдан астам уақыт бұрын қырылған. 

Қазіргі уақытта жағалау аумағында тексеру және мониторинг жұмыстары жүргізіліп жатыр. Мамандар су мен топырақтан, сондай-ақ өлекселерден сынамалар алып, зертханалық сараптамаға жіберуде. Гидробиология және экология институты мамандарының пікірінше, итбалықтар шамамен бір ай бұрын өлген, алайда олардың өлекселері Маңғыстау облысы Түпқараған ауданы жағалауына тек қазір батыстан соққан дауылды желдің әсерінен жеткен.