Полиция формасын киіп, әлеуметтік желіге видео түсірген: блогер жазаланды
Әлеуметтік желілерге мониторинг жүргізу барысында ер адамның полицияның формасын пайдалана отырып, полиция қызметкерлерінің іс-әрекетін мазақ қылған бірқатар бейнероликтер жариялағанын анықтаған- деп хабарлайды Opennews.kz ақпараттық агенттігі Baq.kz сайтына сілтеме жасап.
30 жастағы құқық бұзушы анықталып, полиция бөліміне жеткізілген. Осы факт бойынша ол арнайы киім-кешектің айырым белгілері бар нысанды киімді заңсыз кигені, сондай-ақ заңсыз контентті орналастырғаны және таратқаны үшін әкімшілік жауапкершілікке тартылған. Іс материалдары тиісті шешім қабылдау үшін сотқа жіберілді, - деп хабарлады Астана қаласының ПД баспасөз қызметі.
Полиция өкілдері құқық қорғау органдарының нысанды киімін, символикасын заңсыз пайдаланудың, сондай-ақ полиция қызметкерлерін мазақ қылудың және азаматтарды адастыруға бағытталған материалдарды таратудың кез келген әрекеті дереу анықталып, оларға қатаң құқықтық жаза берілетінін ескерткен.
